ਬਿਊਰੋ ਰਿਪੋਰਟ : ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਹਮੇਸ਼ਾ ਆਪਣੇ ਖੇਡ ਨਾਲ ਲੋਕਾਂ ਨੂੰ ਪ੍ਰਭਾਵਿਤ ਕੀਤਾ ਹੈ । ਪਰ ਬੰਗਲਾਦੇਸ਼ ਦੇ ਖਿਲਾਫ ਉਨ੍ਹਾਂ ਦੇ ਜਿਹੜੇ 2 ਵੀਡੀਓ ਸਾਹਮਣੇ ਆਏ ਹਨ ਉਸ ਤੋਂ ਬਾਅਦ ICC ਨੇ ਉਨ੍ਹਾਂ ਖਿਲਾਫ 2 ਮੈਚਾਂ ਦਾ ਬੈਨ ਲੱਗਾ ਦਿੱਤਾ ਹੈ । ਸਿਰਫ਼ ਇਨ੍ਹਾਂ ਹੀ ਨਹੀਂ ਉਹ ਸਾਬਕਾ ਭਾਰਤੀ ਕ੍ਰਿਕਟਰਾਂ ਦੇ ਨਿਸ਼ਾਨੇ ‘ਤੇ ਵੀ ਆ ਗਈ ਹਨ।। ਬੰਗਲਾਦੇਸ਼ ਵਿੱਚ ਖੇਡੀ ਗਈ ਵਨਡੇ ਸੀਰੀਜ਼ ਦੇ ਅਖੀਰਲੇ ਮੈਚ ਦੌਰਾਨ ਜਦੋਂ ਹਰਮਨਪ੍ਰੀਤ ਕੌਰ ਆਉਟ ਹੋਈ ਤਾਂ ਉਨ੍ਹਾਂ ਨੇ ਗੁੱਸੇ ਵਿੱਚ ਆਪਣਾ ਬੈਟ ਵਿਕਟਾਂ ਵਿੱਚ ਮਾਰਿਆ । ਦਰਅਸਲ ਉਹ ਅੰਪਾਇਰ ਦੇ ਫੈਸਲੇ ਤੋਂ ਖੁਸ਼ ਨਹੀਂ ਸਨ । ਉਨ੍ਹਾਂ ਨੂੰ ਅੰਪਾਇਰ ਨੇ LBW ਆਊਟ ਦਿੱਤਾ ਸੀ । ਪਰ ਹਰਮਨਪ੍ਰੀਤ ਕੌਰ ਦਾ ਦਾਅਵਾ ਕਿ ਬੈਟ ਨਾਲ ਗੇਂਦ ਲੱਗੀ ਹੈ। ਪਰ ਜਦੋਂ ਅੰਪਾਇਰ ਨੇ ਆਊਟ ਦਿੱਤਾ ਤਾਂ ਉਨ੍ਹਾਂ ਨੇ ਗੁੱਸੇ ਵਿੱਚ ਬੈਟ ਵਿਕਟਾਂ ਵਿੱਚ ਮਾਰਿਆ ਅਤੇ ਪਵੀਲਿਅਨ ਜਾਂਦੇ ਵੇਲੇ ਅੰਪਾਇਰ ਨਾਲ ਬਹਿਸ ਕਰਦੇ ਹੋਏ ਉਸ ਨੂੰ ਉਂਗਲ ਵਿਖਾਈ । ਇਹ ਮੈਚ ਭਾਰਤ ਹਾਰ ਗਿਆ ਅਤੇ ਸੀਰੀਜ਼ 1-1 ਨਾਲ ਟਾਈ ਯਾਨੀ ਬਰਾਬਰੀ ‘ਤੇ ਖਤਮ ਹੋਈ । ਪਰ ਹਰਮਨਪ੍ਰੀਤ ਦਾ ਗੁੱਸਾ ਇੱਥੇ ਹੀ ਸ਼ਾਂਤ ਨਹੀਂ ਹੋਇਆ ਉਨ੍ਹਾਂ ਨੇ ਜਦੋਂ ਭਾਰਤ ਅਤੇ ਬੰਗਾਲਦੇਸ਼ ਨੂੰ ਸਾਂਝੇ ਤੌਰ’ ਤੇ ਟਰਾਫੀ ਦਿੱਤੀ ਜਾ ਰਹੀ ਸੀ ਉਸ ਦੌਰਾਨ ਵੀ ਮਾੜੀ ਹਰਕਤ ਕੀਤੀ ।
IND-W captain Harmanpreet hit the stumps, shouts at the umpire then showed middle finger & thumb to the fans after given LBW by the umpire, claiming it was bat. little did she know the catch was taken as well by the fielder. Again complained about the umpire at match presentation pic.twitter.com/VbjrT1Ijp7
— SazzaDul Islam (@iam_sazzad) July 22, 2023
ਟਰਾਫੀ ਲੈਣ ਅੰਪਾਇਰ ਨੂੰ ਬੁਲਾਇਆ
ਹਰਮਨਪ੍ਰੀਤ ਕੌਰ ਜਦੋਂ ਬੰਗਲਾਦੇਸ਼ ਦੀ ਕਪਤਾਨ ਦੇ ਨਾਲ ਸਾਂਝੇ ਤੌਰ ‘ਤੇ ਟਰਾਫੀ ਲੈ ਰਹੀ ਸੀ ਕਿ ਤਾਂ ਉਨ੍ਹਾਂ ਨੇ ਕਿਹਾ ‘ਅੰਪਾਇਕ ਨੂੰ ਵੀ ਇੱਥੇ ਬੁਲਾਉ,ਸਿਰਫ ਬੰਗਲਾਦੇਸ਼ ਦੀ ਕਪਤਾਨ ਹੀ ਇੱਥੇ ਕਿਉ ਹੈ। ਤੁਸੀਂ ਮੈਚ ਨੂੰ ਟਾਈ ਕਰਵਾਇਆ ਹੈ,ਅੰਪਾਇਰ ਨੇ ਤੁਹਾਡੇ ਲਈ ਇਹ ਕੀਤਾ ਹੈ । ਬੁਲਾਉ ਉਨ੍ਹਾਂ ਨੂੰ ਇੱਥੇ,ਸਾਡੀ ਉਨ੍ਹਾਂ ਦੇ ਨਾਲ ਚੰਗੀ ਫੋਟੋ ਆਵੇਗੀ’।
“Bring the umpires too.”
“Why you are only here? You haven't tied the match. The umpires did it for you. Call them up! We better have photo with them as well.”
~ Harmanpreet Kaur pic.twitter.com/VRTEiswxRv
— Cricketopia (@CricketopiaCom) July 23, 2023
ਹਰਮਨਪ੍ਰੀਤ ਕੌਰ ਦੀ ਇਸ ਹਰਕਤ ਨੂੰ ਵੇਖ ਕੇ ਸਾਬਕਾ ਭਾਰਤੀ ਕ੍ਰਿਕਟ ਟੀਮ ਦੀ ਕਪਤਾਨ ਡਾਇਨਾ ਐਡੁਲਜੀ ਨੇ ਕਿਹਾ ਹਰਮਨਪ੍ਰੀਤ ਕੌਰ ਦਾ ਇਹ ਵਤੀਰਾ ਨਾਕਾਬਿਲੇ ਬਰਦਾਸ਼ਤ ਹੈ। ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਕੋਈ ਖਿਡਾਰੀ ਕੌਮਾਂਤਰੀ ਕ੍ਰਿਕਟ ਵਿੱਚ ਅੰਪਾਇਰ ਦੇ ਗਲਤ ਫੈਸਲਾ ਨਾਲ ਆਊਟ ਹੋਇਆ ਹੋਵੇ, ਇਸ ਤੋਂ ਪਹਿਲਾਂ ਵੀ ਕਈ ਖਿਡਾਰੀਆਂ ਨਾਲ ਅਜਿਹਾ ਹੋਇਆ ਹੈ ਪਰ ਜਿਹੜੀ ਹਰਕਤ ਹਰਮਨਪ੍ਰੀਤ ਨੇ ਕੀਤੀ ਹੈ ਉਹ ਸਹੀ ਨਹੀਂ ਹੈ। ਉਹ ਆਪਣੇ ਸਾਥੀ ਅਤੇ ਜੂਨੀਅਰ ਖਿਡਾਰੀਆਂ ਨੂੰ ਕੀ ਸੁਨੇਹਾ ਦੇਣਾ ਚਾਹੁੰਦੀ ਹੈ । ICC ਨੇ ਉਨ੍ਹਾਂ ਖਿਲਾਫ ਜਿਹੜਾ ਬੈਨ ਲਗਾਇਆ ਹੈ ਉਹ ਬਿਲਕੁਲ ਸਹੀ ਹੈ।
ਸਾਬਕਾ ਭਾਰਤੀ ਕ੍ਰਿਕਟ ਟੀਮ ਦੀ ਕਪਤਾਨ ਡਾਇਨਾ ਦਾ ਕਹਿਣਾ ਹੈ ਕਿ BCCI ਨੇ ਮਹਿਕਾ ਕ੍ਰਿਕਟ ਟੀਮ ਨੂੰ ਬਹੁਤ ਕੁਝ ਦਿੱਤਾ ਪਰ ਇਸ ਦੇ ਬਾਵਜੂਦ ਉਹ ਆਪਣਾ ਪ੍ਰਦਰਸ਼ਨ ਨਹੀਂ ਸੁਧਾਰ ਰਹੀ ਹੈ । ਬੰਗਲਾਦੇਸ਼ ਵਿੱਚ ਹਾਰ ਤੋਂ ਬਾਅਦ ਹਰਮਨਪ੍ਰੀਤ ਨੇ ਜਿਹੜੀ ਹਰਕਤ ਕੀਤੀ ਹੈ ਉਹ ਉਸ ਦੀ ਬੌਖਲਾਹਟ ਦਾ ਹੀ ਨਤੀਜਾ ਹੈ। ਡਾਇਨਾ ਨੇ ਕਿਹਾ ਮਹਿਲਾ ਕ੍ਰਿਕਟ ਟੀਮ ਨੂੰ ਇੱਕ ਪਰਮਾਨੈਂਟ ਕੋਚ ਅਤੇ ਸਟਾਫ ਦੀ ਜ਼ਰੂਰਤ ਹੈ ਜਿਸ ਦੀ ਵਜ੍ਹਾ ਕਰਕੇ ਟੀਮ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ।
