ਬਿਊਰੋ ਰਿਪੋਰਟ (3 ਸਤੰਬਰ 2025): ਅੱਜ 3 ਸਤੰਬਰ ਨੂੰ ਸੋਨੇ ਦੀ ਕੀਮਤ ਆਪਣੇ ਆਲਟਾਈਮ ਹਾਈ ’ਤੇ ਪਹੁੰਚ ਗਈ। ਇੰਡੀਆ ਬੁਲਿਅਨ ਐਂਡ ਜੁਵੇਲਰਜ਼ ਅਸੋਸੀਏਸ਼ਨ (IBJA) ਅਨੁਸਾਰ, ਸੋਨਾ 1,597 ਰੁਪਏ ਚੜ੍ਹ ਕੇ 1,06,021 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ ਸੋਨਾ 1,04,424 ਰੁਪਏ ’ਤੇ ਸੀ।
ਇਸੇ ਤਰ੍ਹਾਂ ਚਾਂਦੀ ਵੀ 387 ਰੁਪਏ ਵੱਧ ਕੇ 1,23,220 ਰੁਪਏ ਪ੍ਰਤੀ ਕਿਲੋ ਹੋ ਗਈ ਹੈ। 1 ਅਗਸਤ ਨੂੰ ਚਾਂਦੀ ਨੇ 1,23,250 ਰੁਪਏ ਦਾ ਆਲਟਾਈਮ ਹਾਈ ਰਿਕਾਰਡ ਬਣਾਇਆ ਸੀ।
ਇਸ ਸਾਲ ਹੁਣ ਤੱਕ 24 ਕੈਰਟ ਸੋਨੇ ਦੀ ਕੀਮਤ 29,859 ਰੁਪਏ ਵਧ ਚੁੱਕੀ ਹੈ। 1 ਜਨਵਰੀ ਨੂੰ ਇਹ 76,162 ਰੁਪਏ ਪ੍ਰਤੀ 10 ਗ੍ਰਾਮ ਸੀ ਜੋ ਹੁਣ ਵਧ ਕੇ 1,06,021 ਰੁਪਏ ਹੋ ਗਿਆ ਹੈ। ਚਾਂਦੀ ਵੀ 86,017 ਰੁਪਏ ਪ੍ਰਤੀ ਕਿਲੋ ਤੋਂ ਵਧ ਕੇ 37,203 ਰੁਪਏ ਚੜ੍ਹ ਕੇ 1,23,220 ਰੁਪਏ ਤੱਕ ਪਹੁੰਚ ਗਈ ਹੈ। ਪਿਛਲੇ ਸਾਲ 2024 ਵਿੱਚ ਸੋਨਾ 12,810 ਰੁਪਏ ਮਹਿੰਗਾ ਹੋਇਆ ਸੀ।
ਕੇਡੀਆ ਐਡਵਾਇਜ਼ਰੀ ਦੇ ਡਾਇਰੈਕਟਰ ਅਜੈ ਕੇਡੀਆ ਮੁਤਾਬਕ, ਅਮਰੀਕਾ ਦੇ ਟੈਰਿਫ਼ ਅਤੇ ਜੀਓ-ਪਾਲਿਟਿਕਲ ਤਣਾਅ ਕਾਰਨ ਗੋਲਡ ਨੂੰ ਸਹਾਰਾ ਮਿਲ ਰਿਹਾ ਹੈ ਤੇ ਡਿਮਾਂਡ ਵੀ ਵਧ ਰਹੀ ਹੈ। ਇਸ ਕਰਕੇ ਸੰਭਾਵਨਾ ਹੈ ਕਿ ਇਸ ਸਾਲ ਸੋਨਾ 1.08 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਤੱਕ ਜਾ ਸਕਦਾ ਹੈ। ਚਾਂਦੀ ਵੀ 1.30 ਲੱਖ ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਸਕਦੀ ਹੈ।
