ਦਿੱਲੀ: ਹਵਾ ਦੀ ਗੁਣਵੱਤਾ ਅੱਜ ਵੀ ‘ਗੰਭੀਰ’ ਸ਼੍ਰੇਣੀ ‘ਚ, ਇਨ੍ਹਾਂ ਖੇਤਰਾਂ ਵਿੱਚ AQI 400 ਤੋਂ ਉੱਪਰ

ਰਾਜਧਾਨੀ ਦਿੱਲੀ ਵਿੱਚ ਹਵਾ ਦੀ ਗੁਣਵੱਤਾ ਐਤਵਾਰ ਨੂੰ “ਗੰਭੀਰ” ਸ਼੍ਰੇਣੀ ਵਿੱਚ ਰਹੀ। ਦਿੱਲੀ ਦੇ ਜ਼ਿਆਦਾਤਰ ਖੇਤਰਾਂ ਵਿੱਚ ਹਵਾ ਗੁਣਵੱਤਾ ਸੂਚਕਾਂਕ (AQI) 400 ਤੋਂ ਉੱਪਰ ਦਰਜ ਕੀਤਾ ਗਿਆ।ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ (CPCB) ਦੇ ਅਨੁਸਾਰ, ਐਤਵਾਰ, 16 ਨਵੰਬਰ ਨੂੰ ਸਵੇਰੇ 8 ਵਜੇ ਆਨੰਦ ਵਿਹਾਰ ਖੇਤਰ ਦਾ AQI 412 ਸੀ। ਇਸ ਤੋਂ ਇਲਾਵਾ, ਅਸ਼ੋਕ ਵਿਹਾਰ ਦਾ AQI 421, ਬੁਰਾੜੀ 404, ਚਾਂਦਨੀ ਚੌਕ 418, ITO 417, ਨਰੇਲਾ 420, ਰੋਹਿਣੀ 422, ਸੋਨੀਆ ਵਿਹਾਰ 414 ਅਤੇ ਵਜ਼ੀਰਪੁਰ 434 ਸੀ। ਦਿੱਲੀ ਵਿੱਚ ਹਵਾ ਦੀ ਗੁਣਵੱਤਾ ਪਿਛਲੇ ਕਈ ਦਿਨਾਂ ਤੋਂ “ਗੰਭੀਰ” ਸ਼੍ਰੇਣੀ ਵਿੱਚ ਬਣੀ ਹੋਈ ਹੈ। 401 ਅਤੇ 500 ਦੇ ਵਿਚਕਾਰ AQI ਨੂੰ “ਗੰਭੀਰ” ਮੰਨਿਆ ਜਾਂਦਾ ਹੈ।