ਬਿਉਰੋ ਰਿਪੋਰਟ : 9 ਤੋਂ 11 ਸਾਲ ਦੇ 3 ਬੱਚਿਆਂ ਨੇ ਇੱਕ ਅਜਿਹੀ ਖੌਫਨਾਕ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ ਜਿਸ ਨੂੰ ਸੁਣ ਕੇ ਤੁਹਾਡੇ ਪੈਰਾਂ ਦੇ ਹੇਠਾਂ ਤੋਂ ਜ਼ਮੀਨ ਖਿਸਕ ਜਾਵੇਗੀ । ਵਾਰਦਾਤ ਦੇ ਪਿੱਛੇ ਕਾਰਨ ਕੋਈ ਰੰਜਿਸ਼ ਨਹੀਂ ਸੀ ਬਲਕਿ ਸਕੂਲ ਦੀ ਛੁੱਟੀ ਕਰਵਾਉਣਾ ਸੀ ।
ਦਰਅਸਲ ਤਿੰਨ ਬੱਚਿਆਂ ਨੇ ਮਿਲ ਕੇ 5 ਸਾਲ ਦੇ ਬੱਚੇ ਦਾ ਕਤਲ ਕਰ ਦਿੱਤਾ ।
ਵਾਰਦਾਤਰ ਦਿੱਲੀ ਦੇ ਉੱਤਰ-ਪੂਰਵੀ ਦੇ ਦਿਆਲਪੁਰ ਥਾਣਾ ਖੇਤਰ ਵਿੱਚ ਤਾਲੀਮ ਉਮਲ ਕੁਰਾਨ ਨਾਂ ਦੇ ਮਦਰਸੇ ਦੀ ਹੈ । ਪੁਲਿਸ ਦਾ ਕਹਿਣਾ ਹੈ ਕਿ ਇਨ੍ਹਾਂ ਬੱਚਿਆਂ ਨੇ ਇਸ ਲਈ ਕਤਲ ਕੀਤਾ ਕਿਉਂਕਿ ਉਹ ਛੁੱਟੀ ਲੈਣਾ ਚਾਹੁੰਦੇ ਸਨ। ਪਹਿਲਾਂ ਤਾਂ ਮਦਰੱਸੇ ਦੇ ਪ੍ਰਿੰਸੀਪਲ ਨੇ ਪੁਲਿਸ ਨੂੰ ਦੱਸਿਆ ਸੀ ਕਿ ਲੜਕੇ ਦੀ ਮੌਤ ਚਮੜੀ ਦੀ ਬਿਮਾਰੀ ਨਾਲ ਹੋਈ ਹੈ, ਪਰ ਬਾਅਦ ਵਿੱਚ ਪੁਲਿਸ ਨੇ ਸੀਸੀਟੀਵੀ ਦੀ ਮਦਦ ਨਾਲ ਸਾਰੀ ਘਟਨਾ ਦਾ ਪਤਾ ਲਗਾਇਆ।
ਪੋਸਟਮਾਰਟਮ ਰਿਪੋਰਟ ਵਿੱਚ ਸਾਹਮਣੇ ਆਇਆ ਹੈ ਕਿ ਬੱਚੇ ਨੂੰ ਅੰਦਰੂਨੀ ਸੱਟਾਂ ਲੱਗੀਆਂ ਸਨ । ਬੱਚੇ ਦਾ ਜਿਗਰ ਫੱਟ ਗਿਆ ਪੇਟ ਦੇ ਅੰਦਰ ਖੂਨ ਵਗਣਾ ਅਤੇ ਸੱਜੇ ਫੇਫੜੇ ਸ਼ਾਮਲ ਹਨ । ਪਰਿਵਾਰ ਨੇ ਮ੍ਰਿਤਕ ਬੱਚੇ ਨੂੰ ਤਕਰੀਬਨ 5 ਮਹੀਨੇ ਪਹਿਲਾਂ ਮਦਰੱਸੇ ਰਹਿਣ ਲਈ ਭੇਜਿਆ ਸੀ ।
23 ਅਗਸਤ ਨੂੰ ਸ਼ਾਮ 6.30 ਵਜੇ ਲੜਕੇ ਦੀ ਮਾਂ ਨੂੰ ਦੱਸਿਆ ਗਿਆ ਕਿ ਉਸ ਦਾ ਪੁੱਤਰ ਬਿਮਾਰ ਹੈ। ਉਹ ਉਸ ਨੂੰ ਬ੍ਰਿਜਪੁਰੀ ਦੇ ਇੱਕ ਨਿੱਜੀ ਹਸਪਤਾਲ ਲੈ ਗਈ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਇਸ ਤੋਂ ਬਾਅਦ ਮਾਂ ਲਾਸ਼ ਨੂੰ ਮਦਰੱਸੇ ਲੈ ਗਈ। ਕੁਝ ਦੇਰ ਵਿਚ ਹੀ ਭਾਰੀ ਭੀੜ ਇਕੱਠੀ ਹੋ ਗਈ।
