ਬਿਉਰੋ ਰਿਪੋਰਟ : ਚੰਡੀਗੜ੍ਹ ਦੇ PG ਵਿੱਚ ਇੱਕ ਕੁੜੀ ਵੱਲੋਂ ਆਪਣੇ ਹੀ ਸਾਥੀਆਂ ਨਾਲ ਸ਼ਰਮਸ਼ਾਰ ਕਰਨ ਵਾਲੀ ਕਰਤੂਤ ਨੂੰ ਅੰਜਾਮ ਦਿੱਤਾ ਗਿਆ ਹੈ । ਕੁੜੀ ਬਾਥਰੂਮ ਵਿੱਚ ਕੈਮਰਾ ਲੱਗਾ ਕੇ PG ਵਿੱਚ ਰਹਿਣ ਵਾਲੀਆਂ ਕੁੜੀਆਂ ਦਾ ਇਤਰਾਜ਼ਯੋਗ ਵੀਡੀਓ ਤਿਆਰ ਕਰਦੀ ਸੀ । ਇਸ ਮਾਮਲੇ ਵਿੱਚ ਪੁਲਿਸ ਨੇ ਸ਼ਿਕਾਇਤ ਮਿਲਣ ਤੋਂ ਬਾਅਦ ਕੁੜੀ ਅਤੇ ਉਸ ਦੇ ਬੁਆਏਫਰੈਂਡ ਨੂੰ ਗ੍ਰਿਫਤਾਰ ਕਰ ਲਿਆ ਹੈ । ਪੁਲਿਸ ਨੇ ਦੋਵਾਂ ਦੇ ਫੋਨ ਵੀ ਸੀਲ ਕਰ ਲਏ ਹਨ ਅਤੇ CFSL ਲੈਬ ਦੇ ਲਈ ਭੇਜ ਦਿੱਤੇ ਹਨ । ਲੈਬ ਦੀ ਰਿਪੋਰਟ ਵਿੱਚ ਖੁਲਾਸਾ ਹੋਵੇਗਾ ਕਿ ਮੁਲਜ਼ਮਾਂ ਨੇ ਸਾਥੀ ਕੁੜੀਆਂ ਦੇ ਕਿੰਨੇ ਵੀਡੀਓ ਤਿਆਰ ਕੀਤੇ ਹਨ ਅਤੇ ਉਹ ਅੱਗੇ ਕਿਸ-ਕਿਸ ਨੂੰ ਭੇਜੇ ਹਨ । ਪੁਲਿਸ ਫਿਲਹਾਲ ਇਸ ਦੀ ਜਾਂਚ ਕਰ ਰਿਹਾ ਹੈ ।
ਇਸ ਤਰ੍ਹਾਂ ਹੋਇਆ ਖੁਲਾਸਾ
ਮਾਮਲੇ ਵਿੱਚ ਇੱਕ ਪੀੜ੍ਹਤ ਕੁੜੀ PG ਦੇ ਬਾਥਰੂਮ ਵਿੱਚ ਗਈ ਤਾਂ ਗੀਜਰ ਦੇ ਉੱਤੇ ਇੱਕ ਡਿਵਾਇਜ ਚਮਕਦਾ ਹੋਇਆ ਵਿਖਾਈ ਦਿੱਤਾ । ਉਸ ਨੇ ਇਸ ਦੇ ਬਾਰੇ ਆਪਣੇ ਸਾਥੀ ਕੁੜੀਆਂ ਨੂੰ ਦੱਸਿਆ,ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਕੈਮਰਾ ਲੱਗਿਆ ਹੋਇਆ ਹੈ। ਇਸ ਦੀ ਸੂਚਨਾ ਮਕਾਨ ਦੇ ਮਾਲਿਕ ਨੂੰ ਦਿੱਤੀ ਗਈ । ਮਕਾਨ ਮਾਲਿਕ ਨੇ ਸੈਕਟਰ -17 ਪੁਲਿਸ ਸਟੇਸ਼ਨ ਨੂੰ ਸ਼ਿਕਾਇਤ ਕੀਤੀ । ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਡਿਵਾਇਜ ਨੂੰ ਕਬਜ਼ੇ ਵਿੱਚ ਲੈਕੇ ਪੁੱਛ-ਗਿੱਛ ਸ਼ੁਰੂ ਕਰ ਦਿੱਤੀ ।
ਸੈਕਟਰ 22 ਵਿੱਚ ਟਾਪ ਫਲੋਰ ‘ਤੇ ਹੈ PG
ਜਿਸ PG ਵਿੱਚ ਇਹ ਡਿਵਾਇਜ ਲੱਗਿਆ ਹੋਇਆ ਸੀ,ਉਹ ਸੈਕਟਰ 22 ਦੇ ਟਾਪ ਫਲੋਰ ‘ਤੇ ਬਣਿਆ ਹੋਇਆ ਸੀ । ਇਸ ਵਿੱਚ ਪੰਜ ਕੁੜੀਆਂ ਰਹਿੰਦੀਆਂ ਸਨ,ਸਾਰੀਆਂ ਦਾ ਇੱਕ ਹੀ ਬਾਥਰੂਮ ਸੀ । ਮੁਲਜ਼ਮ ਕੁੜੀਆਂ ਨੇ ਆਪਣੇ ਬੁਆਏਫਰੈਂਡ ਸੈਕਟਰ 20 ਦੇ ਰਹਿਣ ਵਾਲੇ ਅਮਿਤ ਹਾਂਡਾ ਦੇ ਕਹਿਣ ‘ਤੇ ਡਿਵਾਇਜ ਲਗਾਇਆ ਸੀ । ਪੁਲਿਸ ਨੇ ਦੋਵਾਂ ਮੁਲਜ਼ਮਾਂ ਦੇ ਖਿਲਾਫ IPC ਦੀ ਧਾਰ 354 C, 509 ਅਤੇ 66 IT ਐਕਟ ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ ।
