ਬਿਉਰੋ ਰਿਪੋਰਟ – ਕੈਨੇਡਾ (Canada) ਤੋਂ ਪੰਜਾਬ ਦੇ ਇੱਕ ਪਰਿਵਾਰ ਨੂੰ ਲੈਕੇ ਸ਼ਰਮਨਾਕ ਖ਼ਬਰ ਸਾਹਮਣੇ ਆਈ ਹੈ । ਬਰੈਂਪਟਨ ਪੁਲਿਸ ਨੇ ਹਰਿਆਰਾਂ ਦੇ ਜਖੀਰੇ ਦੇ ਨਾਲ ਪੰਜਾਬਣ ਮਾਂ ਉਸ ਦੇ 2 ਬੱਚਿਆਂ ਸਮੇਤ 5 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ । ਪੁਲਿਸ ਨੇ ਜਿੰਨਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਉਨ੍ਹਾਂ ਵਿੱਚ 61 ਸਾਲ ਦੇ ਨਰਿੰਦਰ ਨਾਗਰਾ,ਉਨ੍ਹਾਂ ਦੇ 2 ਪੁੱਤਰ 20 ਸਾਲ ਦਾ ਨਵਦੀਪ ਨਾਗਰਾ ਅਤੇ 22 ਸਾਲ ਦਾ ਰਵਨੀਤ ਨਾਗਰਾ ਸ਼ਾਮਲ ਹੈ । ਇਸ ਤੋਂ ਇਲਾਵਾ 20 ਸਾਲ ਦਾ ਰਣਵੀਰ ਅਰਾਇਚ ਅਤੇ ਪਵਨੀਤ ਨਾਹਰ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ ।
ਪੁਲਿਸ ਨੇ ਜਿੰਨਾਂ 5 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਉਨ੍ਹਾਂ ਦੇ ਖਿਲਾਫ 150 ਤੋਂ ਵੱਧ ਮਾਮਲੇ ਦਰਜ ਕੀਤੇ ਗਏ ਸਨ। ਤਲਾਸ਼ੀ ਦੌਰਾਨ ਅਧਿਕਾਰੀਆਂ ਨੇ ਕਥਿੱਤ ਤੌਰ ‘ਤੇ 11 ਹਥਿਆਰ ਅਤੇ 900 ਤੋਂ ਵੱਧ ਗੋਲਾ ਬਾਰੂਦ ਦੇ ਨਾਲ ਕੋਕੀਨ ਅਤੇ ਓਪੀਔਡਜ਼ ਸਮੇਤ 20 ਹਜ਼ਾਰ ਡਾਲਰ ਦੇ ਗੈਰ ਕਾਨੂੰਨੀ ਨਸ਼ੀਨੇ ਪ੍ਰਦਾਰਸ਼ ਜ਼ਬਤ ਕੀਤੇ ਗਏ ।
ਕੈਨੇਡਾ ਵਿੱਚ ਪਿਛਲੇ 2 ਤੋਂ 3 ਸਾਲ ਦੌਰਾਨ ਗੈਂਗਵਾਰ ਦੀਆਂ ਘਟਨਾਵਾਂ ਕਾਫੀ ਵੱਧ ਗਈਆਂ ਹਨ । ਕੈਨੇਡਾ ਪੁਲਿਸ ਇੰਨਾਂ ਵਾਰਦਾਤਾਂ ਨੂੰ ਲੈਕੇ ਹੁਣ ਕਾਫੀ ਚੌਕਸ ਹੈ,ਇਸੇ ਦੇ ਮਦੇਨਜ਼ਰ ਪੁਲਿਸ ਦੇ ਵੱਲੋਂ ਛਾਪੇਮਾਰੀ ਕੀਤੀ ਗਈ ਸੀ।
