‘ਦ ਖ਼ਾਲਸ ਟੀਵੀ ਬਿਊਰੋ(ਜਗਜੀਵਨ ਮੀਤ):- ਭਾਰਤੀ ਜਨਤਾ ਪਾਰਟੀ ਨੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ‘ਤੇ ਉੱਤੇ ਰਾਸ਼ਟਰੀ ਗੀਤ ਦਾ ਨਿਰਾਦਰ ਕਰਨ ਦਾ ਦੋਸ਼ ਲਾਇਆ ਹੈ। ਪਾਰਟੀ ਦੇ ਇੱਕ ਲੀਡਰ ਨੇ ਉਨ੍ਹਾਂ ਦੇ ਖਿਲਾਫ ਪੁਲਿਸ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ।ਉਨ੍ਹਾਂ ਉੱਤੇ ਇਲਜ਼ਾਮ ਲੱਗਾ ਹੈ ਕਿ ਸੀਐਮ ਬੈਨਰਜੀ ਨੇ ਬੈਠ ਕੇ ਰਾਸ਼ਟਰੀ ਗੀਤ ਗਾਇਆ।ਮੁੱਖ ਮੰਤਰੀ ਤਿੰਨ ਦਿਨਾਂ ਦੌਰੇ ‘ਤੇ ਮਹਾਰਾਸ਼ਟਰ ਪਹੁੰਚੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ ਅਤੇ ਸ਼ਿਵ ਸੈਨਾ ਦੇ ਆਗੂਆਂ ਨਾਲ ਮੁਲਾਕਾਤ ਕੀਤੀ।
ਜਾਣਕਾਰੀ ਮੁਤਾਬਿਕ ਮੁੰਬਈ ਬੀਜੇਪੀ ਦੇ ਇੱਕ ਨੇਤਾ ਨੇ ਸੀਐਮ ਬੈਨਰਜੀ ‘ਤੇ ਕਥਿਤ ਤੌਰ ‘ਤੇ ਬੈਠ ਕੇ ਰਾਸ਼ਟਰ ਗੀਤ ਗਾਉਣ ਅਤੇ 4 ਜਾਂ 5 ਆਇਤਾਂ ਤੋਂ ਬਾਅਦ ਰੁਕਣ ਦੇ ਨਾਲ ਕਥਿਤ ਤੌਰ ‘ਤੇ ਅਪਮਾਨ ਕਰਨ ਦੇ ਦੋਸ਼ ਲਗਾਏ ਹਨ। ਬੁੱਧਵਾਰ ਨੂੰ ਮੁੰਬਈ ‘ਚ ਪ੍ਰੈੱਸ ਕਾਨਫਰੰਸ ਦੌਰਾਨ ਬੈਨਰਜੀ ਨੇ ਰਾਸ਼ਟਰੀ ਗੀਤ ਪੂਰਾ ਨਹੀਂ ਕੀਤਾ ਅਤੇ ਵਿਚਕਾਰ ਹੀ ਬੈਠ ਗਏ। ਇਸ ਕਾਨਫਰੰਸ ਦੇ ਕੁਝ ਮਿੰਟਾਂ ਵਿੱਚ ਹੀ ਕਈ ਸਿਆਸਤਦਾਨਾਂ ਨੇ ਮੁੱਖ ਮੰਤਰੀ ਦੇ ਇਸ ਵਤੀਰੇ ਦਾ ਵਿਰੋਧ ਕੀਤਾ ਸੀ।
ਮਹਾਰਾਸ਼ਟਰ ਭਾਜਪਾ ਨੇਤਾ ਪ੍ਰਤੀਕ ਕਾਰਪੇ ਨੇ ਟਵੀਟ ਕੀਤਾ, ‘ਕੀ ਇਹ ਰਾਸ਼ਟਰੀ ਗੀਤ ਦਾ ਅਪਮਾਨ ਨਹੀਂ ਹੈ? ਜਦੋਂ ਸੀਐਮ ਮਮਤਾ ਬੈਨਰਜੀ ਨੇ ਬੈਠ ਕੇ ਰਾਸ਼ਟਰੀ ਗੀਤ ਸ਼ੁਰੂ ਕੀਤਾ ਤਾਂ ਉਥੇ ਮੌਜੂਦ ਕਥਿਤ ਬੁੱਧੀਜੀਵੀ ਕੀ ਕਰ ਰਹੇ ਸਨ।ਉਨ੍ਹਾਂ ਨੇ ਦੋਸ਼ ਲਗਾਇਆ ਕਿ ਸੀਐਮ ਅਚਾਨਕ ਵਿਚਾਲੇ ਹੀ ਰੁਕ ਗਏ ਸਨ। ਭਾਜਪਾ ਨੇਤਾ ਅਮਿਤ ਮਾਲਵੀਆ ਨੇ ਟਵੀਟ ਕੀਤਾ, ‘ਸਾਡਾ ਰਾਸ਼ਟਰੀ ਗੀਤ ਸਾਡੀ ਰਾਸ਼ਟਰੀ ਪਛਾਣ ਦਾ ਸ਼ਕਤੀਸ਼ਾਲੀ ਪ੍ਰਦਰਸ਼ਨ ਹੈ। ਘੱਟ ਤੋਂ ਘੱਟ ਜੋ ਜਨਤਕ ਅਹੁਦਾ ਰੱਖਣ ਵਾਲੇ ਕਰ ਸਕਦੇ ਹਨ ਉਹ ਇਸ ਦਾ ਅਪਮਾਨ ਨਹੀਂ ਕਰ ਸਕਦੇ…’
ਤ੍ਰਿਣਮੂਲ ਕਾਂਗਰਸ ਸੁਪਰੀਮੋ ਨੇ ਬੁੱਧਵਾਰ ਨੂੰ ਐੱਨਸੀਪੀ ਮੁਖੀ ਸ਼ਰਦ ਪਵਾਰ ਨਾਲ ਮੁਲਾਕਾਤ ਤੋਂ ਬਾਅਦ ਇਸ਼ਾਰਿਆਂ ‘ਚ ਕਾਂਗਰਸ ‘ਤੇ ਨਿਸ਼ਾਨਾ ਸਾਧਿਆ। ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ, ”ਇਕ ਮਜ਼ਬੂਤ ਚੋਣ ਕਰਨੀ ਪਵੇਗੀ ਕਿਉਂਕਿ ਚੱਲ ਰਹੇ ਫਾਸ਼ੀਵਾਦ ਵਿਰੁੱਧ ਕੋਈ ਨਹੀਂ ਲੜ ਰਿਹਾ।” ਸ਼ਰਦ ਜੀ ਸਭ ਤੋਂ ਸੀਨੀਅਰ ਨੇਤਾ ਹਨ ਅਤੇ ਮੈਂ ਇੱਥੇ ਸਿਆਸੀ ਪਾਰਟੀਆਂ ਬਾਰੇ ਚਰਚਾ ਕਰਨ ਆਇਆ ਹਾਂ। ਸ਼ਰਦ ਜੀ ਨੇ ਜੋ ਵੀ ਕਿਹਾ ਮੈਂ ਉਸ ਨਾਲ ਸਹਿਮਤ ਹਾਂ। ਇੱਥੇ ਕੋਈ ਯੂਪੀਏ ਨਹੀਂ ਹੈ।” ਮੰਗਲਵਾਰ ਨੂੰ ਬੈਨਰਜੀ ਨੇ ਸ਼ਿਵ ਸੈਨਾ ਦੇ ਨੇਤਾ ਸੰਜੇ ਰਾਉਤ ਅਤੇ ਆਦਿਤਿਆ ਠਾਕਰੇ ਨਾਲ ਮੁਲਾਕਾਤ ਕੀਤੀ ਸੀ।