ਬੰਗਲਾਦੇਸ਼ ਤੋਂ ਇੱਕ ਭਿਆਨਕ ਹਾਦਸੇ ਦੀ ਖਬਰ ਸਾਹਮਣੇ ਆਈ ਹੈ। ਬੰਗਲਾਦੇਸ਼ ਦੇ ਝਲਕਾਠੀ ਸਦਰ ਉਪਜ਼ਿਲਾ ਦੇ ਛਤਰਕੰਡਾ ਇਲਾਕੇ ‘ਚ ਬੱਸ ਦੇ ਛੱਪੜ ‘ਚ ਡਿੱਗਣ ਕਾਰਨ ਤਿੰਨ ਬੱਚਿਆਂ ਸਮੇਤ ਘੱਟੋ-ਘੱਟ 17 ਲੋਕਾਂ ਦੀ ਮੌਤ ਹੋ ਗਈ ਅਤੇ 35 ਹੋਰ ਜ਼ਖਮੀ ਹੋ ਗਏ। ਇਹ ਘਟਨਾ ਸ਼ਨੀਵਾਰ ਨੂੰ ਵਾਪਰੀ। ਬਚੇ ਲੋਕਾਂ ਨੇ ਹਾਦਸੇ ਲਈ ਡਰਾਈਵਰ ਦੀ ਲਾਪਰਵਾਹੀ ਨੂੰ ਜ਼ਿੰਮੇਵਾਰ ਦੱਸਿਆ। ਉਨ੍ਹਾਂ ਇਹ ਵੀ ਕਿਹਾ ਕਿ ਬੱਸ ਵਿੱਚ ਸਵਾਰੀਆਂ ਦੀ ਭੀੜ ਸੀ।
ਨਿਊਜ਼ ਏਜੰਸੀ ਏਐਨਆਈ ਨੇ ਬੰਗਲਾਦੇਸ਼ੀ ਅਖਬਾਰ ਡੇਲੀ ਸਟਾਰ ਦੇ ਹਵਾਲੇ ਨਾਲ ਕਿਹਾ ਕਿ 52 ਲੋਕਾਂ ਦੀ ਸਮਰੱਥਾ ਵਾਲੀ ਬਸ਼ਰ ਮੈਮੋਰੀਅਲ ਟਰਾਂਸਪੋਰਟ ਬੱਸ 60 ਤੋਂ ਵੱਧ ਲੋਕਾਂ ਨੂੰ ਲੈ ਕੇ ਜਾ ਰਹੀ ਸੀ। ਬੱਸ ਸਵੇਰੇ 9 ਵਜੇ ਦੇ ਕਰੀਬ ਪਿਰੋਜਪੁਰ ਦੇ ਭੰਡਾਰੀਆ ਤੋਂ ਰਵਾਨਾ ਹੋਈ ਅਤੇ ਬਾਰਿਸ਼ਾਲ-ਖੁਲਨਾ ਹਾਈਵੇਅ ‘ਤੇ ਛਤਰਕੰਡਾ ਵਿਖੇ ਸਵੇਰੇ 10 ਵਜੇ ਦੇ ਕਰੀਬ ਸੜਕ ਕਿਨਾਰੇ ਛੱਪੜ ‘ਚ ਡਿੱਗ ਗਈ। ਬਚੇ ਹੋਏ ਐਮਡੀ ਮੋਮਿਨ ਨੇ ਕਿਹਾ, ‘ਮੈਂ ਭੰਡਾਰੀਆ ਤੋਂ ਬੱਸ ‘ਤੇ ਚੜ੍ਹਿਆ ਸੀ। ਬੱਸ ਸਵਾਰੀਆਂ ਨਾਲ ਖਚਾਖਚ ਭਰੀ ਹੋਈ ਸੀ। ਉਨ੍ਹਾਂ ਵਿਚੋਂ ਕੁਝ ਕੋਰੀਡੋਰ ‘ਤੇ ਖੜ੍ਹੇ ਸਨ। ਮੈਂ ਡਰਾਈਵਰ ਨੂੰ ਸੁਪਰਵਾਈਜ਼ਰ ਨਾਲ ਗੱਲ ਕਰਦਿਆਂ ਦੇਖਿਆ। ਅਚਾਨਕ ਬੱਸ ਸੜਕ ਤੋਂ ਫਿਸਲ ਗਈ ਅਤੇ ਹਾਦਸੇ ਦਾ ਸ਼ਿਕਾਰ ਹੋ ਗਈ।
Bangladesh: 17 killed, 35 injured as bus falls into pond
Read @ANI Story | https://t.co/DAMOEoKnM2#Bangladesh #BusAccident pic.twitter.com/ZumEWQl5gZ
— ANI Digital (@ani_digital) July 22, 2023
ਮੋਮਿਨ ਨੇ ਅੱਗੇ ਕਿਹਾ, ‘ਸਾਰੇ ਯਾਤਰੀ ਬੱਸ ਦੇ ਅੰਦਰ ਫਸ ਗਏ ਸਨ। ਓਵਰਲੋਡਿੰਗ ਕਾਰਨ ਬੱਸ ਇਕਦਮ ਡੁੱਬ ਗਈ। ਮੈਂ ਕਿਸੇ ਤਰ੍ਹਾਂ ਬੱਸ ਵਿੱਚੋਂ ਬਾਹਰ ਨਿਕਲਣ ਵਿੱਚ ਕਾਮਯਾਬ ਰਿਹਾ।ਬਾਰੀਸ਼ਾਲ ਦੇ ਡਿਵੀਜ਼ਨਲ ਕਮਿਸ਼ਨਰ ਐਮਡੀ ਸ਼ੌਕਤ ਅਲੀ ਨੇ ਪੁਸ਼ਟੀ ਕੀਤੀ ਕਿ ਸਾਰੇ 17 ਲੋਕਾਂ ਦੀ ਮੌਕੇ ‘ਤੇ ਮੌਤ ਹੋ ਗਈ ਅਤੇ ਬਾਕੀ ਜ਼ਖਮੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਪੁਲਸ ਨੇ ਦੱਸਿਆ ਕਿ ਜ਼ਿਆਦਾਤਰ ਪੀੜਤ ਪਿਰੋਜਪੁਰ ਦੇ ਭੰਡਾਰੀਆ ਉਪਜ਼ਿਲਾ ਅਤੇ ਝਲਕਾਠੀ ਦੇ ਰਾਜਾਪੁਰ ਖੇਤਰ ਦੇ ਨਿਵਾਸੀ ਹਨ।
ਬੰਗਲਾਦੇਸ਼ ਵਿੱਚ ਬੱਸ ਹਾਦਸੇ ਆਮ ਹੋ ਗਏ ਹਨ। ਰੋਡ ਸੇਫਟੀ ਫਾਊਂਡੇਸ਼ਨ (ਆਰਐਸਐਫ) ਅਨੁਸਾਰ ਇਕੱਲੇ ਜੂਨ ਮਹੀਨੇ ਵਿੱਚ ਕੁੱਲ 559 ਸੜਕ ਹਾਦਸੇ ਵਾਪਰੇ। ਹਾਦਸਿਆਂ ਵਿੱਚ 562 ਲੋਕ ਮਾਰੇ ਗਏ ਸਨ ਅਤੇ 812 ਹੋਰ ਜ਼ਖ਼ਮੀ ਹੋਏ ਸਨ। ਢਾਕਾ ਟ੍ਰਿਬਿਊਨ ਮੁਤਾਬਕ ਬੁੱਧਵਾਰ ਨੂੰ ਜਾਰੀ ਰਿਪੋਰਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਦੇਸ਼ ਭਰ ਵਿੱਚ 207 ਮੋਟਰਸਾਈਕਲ ਹਾਦਸਿਆਂ ਵਿੱਚ 169 ਲੋਕ ਮਾਰੇ ਗਏ, ਜੋ ਕੁੱਲ ਮੌਤਾਂ ਦਾ 33.75 ਫੀਸਦੀ ਹੈ। ਰਿਪੋਰਟ ਮੁਤਾਬਕ ਇਸ ਵਿੱਚ 78 ਔਰਤਾਂ ਅਤੇ 114 ਬੱਚੇ ਸਨ।