ਬਿਊਰੋ ਰਿਪੋਰਟ : ਇਸ ਵਾਰ ਡਬਲ ਮਾਨਸੂਨ ਕਈ ਗੁਣਾ ਤਬਾਹੀ ਲੈਕੇ ਆ ਰਿਹਾ ਹੈ । ਪੰਜਾਬ ਹਰਿਆਣਾ ਸਮੇਤ ਤਕਰੀਬਨ ਪੂਰਾ ਦੇਸ਼ ਮੀਂਹ ਦੇ ਕਹਿਰ ਤੋਂ ਜ਼ਿੰਦਗੀ ਦੀ ਜੰਗ ਲੜ ਰਿਹਾ ਹੈ। ਗੁਜਰਾਤ ਦੇ ਜੂਨਾਗੜ੍ਹ ਵਿੱਚ ਬੱਦਲ ਫੱਟ ਗਿਆ ਸ਼ਹਿਰ ਵਿੱਚ ਹੜ੍ਹ ਆ ਗਿਆ । 4 ਘੰਟੇ ਵਿੱਚ 8 ਇੰਚ ਮੀਂਹ ਪਿਆ,ਗੱਡੀਆਂ ਰੁੜ ਦੀਆਂ ਹੋਇਆਂ ਨਜ਼ਰ ਆਇਆ । ਤਾਂ ਪੰਜਾਬ ਵਿੱਚ ਵੀ ਮੀਂਹ ਨੇ ਹੋਰ ਟੈਨਸ਼ਨ ਵਧਾ ਦਿੱਤੀ ਹੈ । ਘੱਗਰ ਪਹਿਲਾਂ ਹੀ ਉਫਾਨ ਹੈ ਹੁਣ ਮੀਂਹ ਤੋਂ ਬਾਅਦ ਹੋ ਖਤਰਨਾਕ ਰੂਪ ਲੈ ਲਿਆ ਹੈ । ਭਾਖੜਾ ਡੈਮ ਵਿੱਚ ਵੀ ਪਾਣੀ ਦਾ ਪੱਧਰ ਖਤਰੇ ਦੇ ਨਿਸ਼ਾਨੇ ਦੇ ਨਜ਼ਦੀਕ ਹੈ । ਕਿਸੇ ਵੇਲੇ ਵੀ ਡੈਮ ਦੇ ਗੇਟ ਹੁਣ ਖੁੱਲ ਸਕਦੇ ਹਨ। ਆਲੇ-ਦੁਆਲੇ ਦੇ ਲੋਕਾਂ ਨੂੰ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ ।
ਹਿਮਾਚਲ ਦੇ ਪਹਾੜਾਂ ਵਿੱਚ ਤੇਜ਼ ਮੀਂਹ ਪੈ ਰਿਹਾ ਹੈ ਜਿਸ ਦੀ ਵਜ੍ਹਾ ਕਰਕੇ ਘੱਗਰ ਦਰਿਆ ਦਾ ਪੱਧਰ ਲੱਗਾਤਾਰ ਵੱਧ ਰਿਹਾ ਹੈ । ਪੰਚਕੂਲਾ ਤੋਂ ਨਿਕਲਣ ਤੋਂ ਬਾਅਦ ਘੱਗਰ ਮੋਹਾਲੀ ਦੇ ਰਸਤੇ ਪੰਜਾਬ ਵਿੱਚ ਦਾਖਿਲ ਹੁੰਦੀ ਹੈ ਉਸ ਦੇ ਬਾਅਦ ਪਟਿਆਲਾ,ਸੰਗਰੂਰ,ਮਾਨਸਾ ਜ਼ਿਲ੍ਹੇ ਤੋਂ ਗੁਜਰਦੀ ਹੈ । ਇਸ ਲਈ ਪਟਿਆਲਾ,ਮਾਨਸਾ ਅਤੇ ਹੋਰ ਜ਼ਿਲ੍ਹਿਆਂ ਵਿੱਚ ਅਲਰਟ ਕਰ ਦਿੱਤਾ ਗਿਆ ਹੈ । ਰੈਸਕਿਊ ਦੀਆਂ ਟੀਮਾਂ ਤੋਂ ਇਲਾਵਾ ਜ਼ਿਲ੍ਹੇ ਦੀਆਂ ਟੀਮਾਂ ਨੂੰ ਵੀ ਤਿਆਰ ਰਹਿਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ । ਤਾਂਕੀ ਹਾਲਾਤ ਪਹਿਲਾਂ ਵਾਂਗ ਨਾਲ ਬਣ ਸਕਣ।
ਹਿਮਾਚਲ ਵਿੱਚ ਹੋ ਰਹੇ ਮੀਂਹ ਦੀ ਵਜ੍ਹਾ ਕਰਕੇ ਸਤਲੁਜ ਅਤੇ ਦੂਜੀਆਂ ਨਦੀਆਂ ਵਿੱਚ ਵੀ ਪਾਣੀ ਵੱਧ ਗਿਆ ਹੈ । ਭਾਖੜਾ ਡੈਮ ਦਾ ਪੱਧਰ 1651 ਫੁੱਟ ਪਾਰ ਕਰ ਗਿਆ ਹੈ । ਭਾਖੜਾ ਡੈਮ ਦਾ ਡੇਂਜਰ ਲੈਵਲ 1680 ਫੁੱਟ ਹੈ । ਪਾਣੀ ਦਾ ਪੱਧਰ ਖਤਰੇ ਦੇ ਨਿਸ਼ਾਨ ਤੋਂ 29 ਫੁੱਟ ਹੇਠਾਂ ਹੈ । ਹਾਲਾਂਕਿ ਡੈਮ ਦਾ ਪਾਣੀ ਫਲਡ ਗੇਟ ਦੇ ਲੈਵਲ ਤੋਂ 6 ਫੁੱਟ ਵੱਧ ਹੋ ਚੁੱਕਿਆ ਹੈ ।
ਜਲੰਧਰ ਵਿੱਚ ਮੀਂਹ ਦਾ ਕਹਿਰ
ਜਲੰਧਰ ਵਿੱਚ ਮੀਂਹ ਨੇ ਕਾਫੀ ਤਬਾਹੀ ਮਚਾਈ ਹੈ । ਸ਼ਹਿਰ ਦੇ ਵਿੱਚ ਸੋਡਲ ਵਿੱਚ ਇੱਕ ਵੱਡਾ ਦਰੱਖਤ ਡਿੱਗ ਗਿਆ ਹੈ । ਇਸ ਦੇ ਨਾਲ ਮੰਦਰ ਦੀਆਂ ਚਾਰੋ ਦੀਵਾਰਾਂ ਡਿੱਗ ਗਈਆਂ ਹਨ । ਉਧਰ ਇਸ ਨੇ ਅੱਧੀ ਸੜ੍ਹਕ ਵੀ ਬਲਾਕ ਕਰਕੇ ਰੱਖੀ ਹੈ । ਦੀਵਾਰ ਦੇ ਕੋਲ ਖੜੀ ਇੱਕ ਬੋਲੈਰੋ ਗੱਡੀ ਵੀ ਇਸ ਦੀ ਚਪੇਟ ਵਿੱਚ ਆ ਗਈ ਹੈ। ਇਸ ਦੇ ਨਾਲ ਪਿੰਡ ਨੁਸਸੀ ਵਿੱਚ ਮੀਂਹ ਦੇ ਕਾਰਨ ਇੱਕ ਤਿੰਨ ਮੰਜ਼ਿਲਾ ਪੋਲਟਰੀ ਫਾਰਮ ਤਬਾਅ ਹੋ ਗਿਆ ਹੈ।
ਉਧਰ ਸ਼ਨਿੱਚਰਵਾਰ ਨੂੰ ਫਿਰੋਜ਼ਪੁਰ ਵਿੱਚ ਸਤਲੁਜ ਦਰਿਆ ‘ਤੇ ਬਣਿਆ ਧੁੱਸੀ ਬੰਨ੍ਹ ਟੁੱਟ ਗਿਆ । ਇਸ ਦੇ ਬਾਅਦ ਪਾਣੀ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਫੈਲਣਾ ਸ਼ੁਰੂ ਹੋ ਗਿਆ। ਸਰਦੂਲਗੜ੍ਹ ਦੇ ਅਧੀਨ ਆਉਂਦੇ 2 ਸਕੂਲ ਸਰਕਾਰੀ ਸੀਨੀਅ ਸਕੈਂਡਰੀ ਸਕੂਲ ਖਹਿਰਾ ਖੁਰਦ ਅਤੇ ਸਰਕਾਰੀ ਐਲੀਮੈਂਟਰੀ ਸਕੂਲ ਖਹਿਰਾ ਖੁਰਦ ਵਿੱਚ 24 ਜੁਲਾਈ ਤੋਂ ਛੁੱਟੀਆਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ ।
ਤੂਫਾਨ ਆਉਣ ਦਾ ਅਲਰਟ ਜਾਰੀ
ਮੌਸਮ ਵਿਭਾਗ ਦੇ ਅਲਰਟ ਦੇ ਚੱਲਦੇ ਰਾਵੀ,ਬਿਆਸ,ਸਤਲੁਜ,ਘੱਗਰ ਦੇ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਸਬੰਧਿਤ ਜ਼ਿਲ੍ਹਿਆਂ ਵਿੱਚ ਟੀਮਾਂ ਨਜ਼ਰ ਰੱਖੇ ਹੋਏ ਹਨ । ਮੌਸਮ ਵਿਭਾਗ ਵੱਲੋਂ ਜਾਰੀ ਅੰਕੜਿਆਂ ਦੇ ਮੁਤਾਬਿਕ 22 ਤੋਂ 24 ਜੁਲਾਈ ਤੱਕ ਸੂਬੇ ਦੇ ਹੋਰ ਇਲਾਕਿਆਂ ਵਿੱਚ ਗਰਜ ਦੇ ਨਾਲ ਮੀਂਹ ਹੋ ਸਕਦਾ ਹੈ । ਤੂਫਾਨ ਆਉਣ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ ।
7 ਪਿੰਡਾਂ ਵਿੱਚ ਲੋਕ ਕੱਢੇ ਜਾ ਰਹੇ ਹਨ
ਉਧਰ ਗੁਰਦਾਸਪੁਰ ਵਿੱਚ 7 ਪਿੰਡਾਂ ਤੋਂ ਰੈਸਕਿਊ ਆਪਰੇਸ਼ਨ ਜਾਰੀ ਹੈ । ਰਾਵੀ ਵਿੱਚ ਪਾਣੀ ਦਾ ਪੱਧਰ ਠੀਕ ਹੈ । ਜਿਸ ਦੀ ਵਜ੍ਹਾ ਕਰਕੇ ਰਾਵੀ ਦੇ ਆਲੇ-ਦੁਆਲੇ ਮਿੱਟੀ ਦੀਆਂ ਬੋਰੀਆਂ ਭਰੀ ਜਾ ਰਹੀਆਂ ਹਨ । ਤਾਂਕੀ ਕਿਸੇ ਵੀ ਹਾਲਾਤਾਂ ‘ਤੇ ਫੌਰਨ ਕਾਬੂ ਪਾਇਆ ਜਾ ਸਕੇ।
