‘ਦ ਖ਼ਾਲਸ ਬਿਊਰੋ :- ਕਿਸਾਨੀ ਅੰਦੋਲਨ ਵਿੱਚ ਇੱਕ ਹੋਰ ਨੌਜਵਾਨ ਕਿਸਾਨ ਭੀਮ ਸਿੰਘ ਦੀ ਮੌਤ ਹੋ ਗਈ ਹੈ। ਬੀਤੀ ਦੇਰ ਰਾਤ ਕਿਸਾਨ ਭੀਮ ਸਿੰਘ ਬਾਥਰੂਮ ਕਰਨ ਟਰਾਲੀ ‘ਚੋਂ ਉੱਠਿਆ ਅਤੇ ਪੁਲ ‘ਤੇ ਇੱਕ ਪਾਸੇ ਡੂੰਘੇ ਨਾਲੇ ‘ਚ ਜਾ ਡਿੱਗਿਆ। ਸਾਰੀ ਰਾਤ ਨੌਜਵਾਨ ਨਾਲੇ ‘ਚ ਪਿਆ ਰਿਹਾ ਅਤੇ ਠੰਢ ‘ਚ ਦਮ ਤੋੜ ਗਿਆ। ਨੌਜਵਾਨ ਆਪਣੇ ਪਿੱਛੇ ਮਾਪੇ, ਘਰਵਾਲੀ ਅਤੇ 15 ਸਾਲ ਦੀ ਕੁੜੀ ਤੇ 5 ਸਾਲਾ ਦਾ ਮੁੰਡਾ ਛੱਡ ਗਿਆ।।
ਭੀਮ ਸਿੰਘ ਦੀ 36-37 ਸਾਲ ਦੀ ਉਮਰ ਸੀ ਅਤੇ ਉਹ ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਝਨੇੜੀ, ਹੁਣ ਫਤਹਿਗੜ੍ਹ ਛੰਨਾ ‘ਚ ਆਪਣੇ ਸਹੁਰੇ ਘਰ ਰਹਿੰਦਾ ਸੀ ਅਤੇ ਕਿਸਾਨੀ ਅੰਦੋਲਨ ‘ਚ ਹਿੱਸਾ ਲੈਣ ਲਈ ਕੁੰਡਲੀ ਬਾਰਡਰ ‘ਤੇ ਪਹੁੰਚਿਆ ਸੀ।
