ਨਵੀਂ ਦਿੱਲੀ : ਆਮ ਆਦਮੀ ਪਾਰਟੀ (AAP) ਦੇ ਵਿਧਾਇਕ ਗੁਲਾਬ ਸਿੰਘ ਯਾਦਵ(Gulab Singh Yadav) ਦੀ ਕੁੱਟਮਾਰ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੋਮਵਾਰ ਨੂੰ ਸ਼ਿਆਮ ਵਿਹਾਰ ਵਿੱਚ ਉਨ੍ਹਾਂ ਦੇ ਨਾਲ ਮੀਟਿੰਗ ਕਰ ਰਹੇ ਪਾਰਟੀ ਵਰਕਰਾਂ ਨੇ ਕੁੱਟਮਾਰ ਕੀਤੀ। ਦਿੱਲੀ ਐਮਸੀਡੀ ਚੋਣ 2022 ਲਈ ਟਿਕਟਾਂ ਦੀ ਵੰਡ ਦੇ ਮੁੱਦੇ ‘ਤੇ ਝਗੜਾ ਹੋਣ ਤੋਂ ਬਾਅਦ ਯਾਦਵ ਨੂੰ ‘ਆਪ’ ਦੇ ਕੁਝ ਵਰਕਰਾਂ ਨੇ ਕੁੱਟਮਾਰ ਕੀਤੀ ਸੀ।
ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ
ਵੀਡੀਓ ‘ਚ ‘ਆਪ’ ਵਰਕਰ ਗੁਲਾਬ ਸਿੰਘ ਯਾਦਵ ਨੂੰ ਕਾਲਰ ਨਾਲ ਫੜਦੇ ਹੋਏ ਅਤੇ ਹੱਥਾਂ ਨਾਲ ਕੁੱਟਦੇ ਵੀ ਨਜ਼ਰ ਆ ਰਹੇ ਹਨ। ਦਿੱਲੀ ਵਿਧਾਨ ਸਭਾ ਦੇ ਮਤਿਆਲਾ ਹਲਕੇ ਤੋਂ ‘ਆਪ’ ਵਿਧਾਇਕ ਆਖਰਕਾਰ ਆਪਣੀ ਹੀ ਪਾਰਟੀ ਦੇ ਨਾਰਾਜ਼ ਵਰਕਰਾਂ ਦੇ ਰੋਹ ਤੋਂ ਬਚਣ ਲਈ ਭੱਜਦੇ ਨਜ਼ਰ ਆਏ। ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ‘ਆਪ’ ਵਰਕਰਾਂ ਦੇ ਹਮਲਾਵਰ ਹੋਣ ਦਾ ਕਾਰਨ ਕੀ ਸੀ।
ਭਾਜਪਾ ਨੇ ਲਾਏ ਗੰਭੀਰ ਦੋਸ਼
ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਨੇਤਾਵਾਂ ਨੇ ਵੀਡੀਓ ਨੂੰ ਵਿਆਪਕ ਤੌਰ ‘ਤੇ ਪ੍ਰਸਾਰਿਤ ਕੀਤਾ ਅਤੇ ਗੁਲਾਬ ਸਿੰਘ ਯਾਦਵ ‘ਤੇ ਦਿੱਲੀ ਨਗਰ ਨਿਗਮ ਚੋਣਾਂ ਲਈ ਟਿਕਟਾਂ ਵੇਚਣ ਦਾ ਦੋਸ਼ ਲਗਾਇਆ।
ਭਾਜਪਾ ਨੇ ਟਵਿੱਟਰ ‘ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਕਿਹਾ, “ਆਪ ਵਿਧਾਇਕ ਦੀ ਕੁੱਟਮਾਰ ਕੀਤੀ ਗਈ। ਗੁਲਾਬ ਸਿੰਘ ਯਾਦਵ ‘ਤੇ ਟਿਕਟਾਂ ਵੇਚਣ ਦਾ ਦੋਸ਼ ਲਗਾਇਆ ਗਿਆ ਸੀ, ਜਿਸ ਕਾਰਨ ਉਸ ਦੀ ਆਪਣੀ ਪਾਰਟੀ ਦੇ ਵਰਕਰਾਂ ਨੇ ਕੁੱਟਮਾਰ ਕੀਤੀ ਸੀ।”
पिट गए AAP के विधायक जी!
आम आदमी पार्टी विधायक गुलाब सिंह यादव को टिकट बेचने के आरोप में आप कार्यकर्ताओं ने दौड़ा-दौड़ा करके पीटा।
केजरीवाल जी, ऐसे ही AAP के सभी भ्रष्टाचारी विधायकों का नंबर आएगा। pic.twitter.com/MArpoSi3E5
— BJP Delhi (@BJP4Delhi) November 21, 2022
ਪਾਰਟੀ ਨੇ ਕਿਹਾ, “(ਮੁੱਖ ਮੰਤਰੀ ਅਤੇ ‘ਆਪ’ ਦੇ ਕੌਮੀ ਕਨਵੀਨਰ) ਅਰਵਿੰਦ ਕੇਜਰੀਵਾਲ, ਇਹ ਤੁਹਾਡੇ ਸਾਰੇ ਭ੍ਰਿਸ਼ਟ ਵਿਧਾਇਕਾਂ ਨਾਲ ਇਕ-ਇਕ ਕਰਕੇ ਹੋਵੇਗਾ।”
ਆਪ’ ਵਿਧਾਇਕ ਨੇ ਲਾਏ ਇਹ ਇਲਜ਼ਾਮ
‘ਆਪ’ ਵਿਧਾਇਕ ਨੇ ਦਿੱਲੀ ਐਮਸੀਡੀ ਲਈ ਟਿਕਟਾਂ ‘ਵੇਚਣ’ ਦੇ ਦੋਸ਼ਾਂ ਨੂੰ ਰੱਦ ਕਰਦਿਆਂ ਉਨ੍ਹਾਂ ਨੂੰ ਬੇਬੁਨਿਆਦ ਕਰਾਰ ਦਿੱਤਾ। ਥਾਣੇਦਾਰ ਦੀ ਇੱਕ ਕਲਿੱਪ ਸਾਂਝੀ ਕਰਦੇ ਹੋਏ ਉਨ੍ਹਾਂ ਨੇ ਟਵਿੱਟਰ ‘ਤੇ ਕਿਹਾ, “ਭਾਜਪਾ ਬੁਖਲਾ ਗਈ ਹੈ ਅਤੇ ਟਿਕਟਾਂ ਵੇਚਣ ਦੇ ਬੇਬੁਨਿਆਦ ਦੋਸ਼ ਲਗਾ ਰਹੀ ਹੈ। ਮੈਂ ਹੁਣ ਚਾਵਲਾ ਥਾਣੇ ‘ਚ ਹਾਂ। ਮੈਂ ਇਸ ਵਾਰਡ ਤੋਂ ਭਾਜਪਾ ਦੇ ਕਾਰਪੋਰੇਟਰ ਅਤੇ ਉਨ੍ਹਾਂ ਦੇ ਉਮੀਦਵਾਰ ਨੂੰ ਥਾਣੇ ‘ਚ ਮੌਜੂਦ ਦੇਖਿਆ ਹੈ, ਜੋ ਉਨ੍ਹਾਂ ਲੋਕਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।”
भाजपा उम्मीदवार थाने के अंदर आरोपियों की पैरवी कर रहा है भाजपा बुरी तरह नगर निगम चुनाव हार रहीं है जितनी मर्जी साजिश कर ले। https://t.co/q2minYuvHq pic.twitter.com/rPY2EDxikC
— Gulab Singh Yadav (@GulabMatiala) November 21, 2022
ਗੋਪਾਲ ਸਿੰਘ ਯਾਦਵ ਨੂੰ ਉਸ ਦਿਨ ਕੁੱਟਿਆ ਗਿਆ ਜਦੋਂ ਭਾਜਪਾ ਨੇ ਉੱਤਰ ਪੱਛਮੀ ਦਿੱਲੀ ਦੇ ਰੋਹਿਣੀ ਤੋਂ ਆਮ ਆਦਮੀ ਪਾਰਟੀ ਦੇ ਇੱਕ ਸਾਬਕਾ ਵਲੰਟੀਅਰ ਦੁਆਰਾ ਕਥਿਤ ਤੌਰ ‘ਤੇ ਸ਼ੂਟ ਕੀਤਾ ਇੱਕ ਸਟਿੰਗ ਵੀਡੀਓ ਜਾਰੀ ਕੀਤਾ, ਜਿਸ ਵਿੱਚ ‘ਆਪ’ ਉੱਤੇ ਐਮਸੀਡੀ ਚੋਣਾਂ 2022 ਲਈ ਟਿਕਟਾਂ ਵੇਚਣ ਦਾ ਦੋਸ਼ ਲਗਾਇਆ ਸੀ।
