ਜਦੋਂ ਤੁਸੀਂ ਕਿਸੇ ਰੈਸਟੋਰੈਂਟ ਵਿੱਚ ਜਾਂਦੇ ਹੋ ਤਾਂ ਕਈ ਵਾਰ ਵੇਟਰ ਦੀ ਜਲਦਬਾਜ਼ੀ ਕਾਰਨ ਜਾਂ ਜਾਣੇ-ਅਨਜਾਣੇ ਵਿੱਚ ਤੁਹਾਡੇ ਵੱਲੋਂ ਆਰਡਰ ਕੀਤੀ ਡਿਸ਼ ਤੁਹਾਡੀ ਡਰੈੱਸ ‘ਤੇ ਡਿੱਗ ਜਾਂਦੀ ਹੈ ਜਾਂ ਤੁਹਾਡੇ ਮੇਜ਼ ‘ਤੇ ਫੈਲ ਜਾਂਦੀ ਹੈ। ਅਜਿਹੇ ‘ਚ ਜ਼ਿਆਦਾਤਰ ਵੇਟਰ ਸੌਰੀ ਕਹਿ ਕੇ ਮੁਆਫ਼ੀ ਮੰਗਦਾ ਹੈ ਅਤੇ ਤੁਸੀਂ ਵੀ ਉਸ ਨੂੰ ਮੁਆਫ਼ ਕਰ ਦੇਵੋਗੇ। ਪਰ ਜਿਸ ਘਟਨਾ ਬਾਰੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਉਹ ਬਹੁਤ ਹੀ ਹੈਰਾਨ ਕਰਨ ਵਾਲੀ ਹੈ। ਹੋ ਸਕਦਾ ਹੈ ਕਿ ਤੁਸੀਂ ਵੀ ਅਗਲੀ ਵਾਰ ਉਹੀ ਕੰਮ ਕਰੋਗੇ, ਜੋ ਇਸ ਔਰਤ ਨੇ ਕੀਤਾ ਹੈ।
ਦਰਅਸਲ, ਗ਼ਲਤੀ ਨਾਲ ਉਸ ‘ਤੇ ਸੁੱਟੀ ਗਈ ਕੌਫ਼ੀ ਤੋਂ ਨਾਰਾਜ਼ ਇਕ ਔਰਤ ਨੇ ਮਾਮਲਾ ਦਰਜ ਕਰਾਇਆ, ਜਿਸ ਤੋਂ ਬਾਅਦ ਹੁਣ ਮਹਿਲਾ ਨੂੰ ਕੁੱਲ 24 ਕਰੋੜ ਰੁਪਏ ਦਾ ਮੁਆਵਜ਼ਾ ਮਿਲੇਗਾ। ਨਿਊਯਾਰਕ ਪੋਸਟ ਮੁਤਾਬਕ ਇਹ ਪੂਰਾ ਮਾਮਲਾ ਜਾਰਜੀਆ ਦਾ ਹੈ। ਜਿੱਥੇ ਇੱਕ ਰੈਸਟੋਰੈਂਟ ਦੇ ਕਰਮਚਾਰੀ ਨੇ ਗ਼ਲਤੀ ਨਾਲ ਇੱਕ ਬਜ਼ੁਰਗ ਔਰਤ ‘ਤੇ ਕੌਫੀ ਸੁੱਟ ਦਿੱਤੀ। ਔਰਤ ਨੇ ਕੰਪਨੀ ਖ਼ਿਲਾਫ਼ ਅਦਾਲਤ ‘ਚ ਕੇਸ ਦਾਇਰ ਕੀਤਾ ਸੀ। ਇਸ ਦੌਰਾਨ ਔਰਤ ਨੇ ਆਊਟਲੈੱਟ ਤੋਂ 30 ਲੱਖ ਡਾਲਰ ਦੀ ਮੰਗ ਕੀਤੀ। ਹੁਣ ਦੱਸਿਆ ਜਾ ਰਿਹਾ ਹੈ ਕਿ ਮਹਿਲਾ ਨੂੰ ਕੰਪਨੀ ਤੋਂ 24 ਕਰੋੜ ਰੁਪਏ ਮੁਆਵਜ਼ੇ ਵਜੋਂ ਮਿਲਣਗੇ।
ਲਾਅ ਫਰਮ ਮੋਰਗਨ ਐਂਡ ਮੋਰਗਨ ਦੇ ਐਡਵੋਕੇਟ ਬੈਂਜਾਮਿਨ ਵੀਚ ਨੇ ਕਿਹਾ, ’70 ਸਾਲਾ ਔਰਤ ਇੰਨੀ ਜ਼ਖ਼ਮੀ ਹੋ ਗਈ ਹੈ ਕਿ ਉਸ ਨੂੰ ਫਿਰ ਤੋਂ ਤੁਰਨਾ ਸਿੱਖਣਾ ਪਿਆ ਅਤੇ ਅੱਜ ਵੀ ਔਰਤ ਨੂੰ ਰੋਜ਼ਾਨਾ ਦੇ ਕੰਮ ਕਰਨ ‘ਚ ਦਿੱਕਤ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਿਉਂਕਿ ਸਾਲ 2021 ਵਿੱਚ ਇੱਕ ਰੈਸਟੋਰੈਂਟ ਵਿੱਚ ਕੌਫੀ ਸਰਵ ਕਰਦੇ ਸਮੇਂ ਇੱਕ ਕਰਮਚਾਰੀ ਦੇ ਹੱਥੋਂ ਕੱਪ ਡਿੱਗ ਗਿਆ ਅਤੇ ਗਰਮ ਕੌਫੀ ਉਸ ਉੱਤੇ ਡਿੱਗ ਗਈ।
ਇਸ ਤੋਂ ਇਲਾਵਾ ਬੈਂਜਾਮਿਨ ਨੇ ਕਿਹਾ, ‘ਇਹ ਆਊਟਲੈੱਟ ਚਲਾ ਜਾਵੇਗਾ। ਪਰ ਸਾਡੇ ਗਾਹਕ ਨੂੰ ਦੁਬਾਰਾ ਤੁਰਨਾ ਸਿੱਖਣਾ ਪਵੇਗਾ. ਇਹ ਜ਼ਖ਼ਮ ਇੰਨੇ ਦਰਦਨਾਕ ਸਨ ਕਿ ਉਨ੍ਹਾਂ ਨੂੰ ਹਸਪਤਾਲ ਦੇ ਬਰਨ ਯੂਨਿਟ ਵਿੱਚ ਕਾਫ਼ੀ ਦੇਰ ਤੱਕ ਰਹਿਣਾ ਪਿਆ। ਇਸ ਕਾਰਨ ਉਸ ਦੀ ਪੂਰੀ ਜ਼ਿੰਦਗੀ ਹੀ ਬਦਲ ਗਈ। ਅੱਜ ਵੀ ਉਸ ਨੂੰ ਤੁਰਨ ਵਿੱਚ ਦਰਦ ਹੁੰਦਾ ਹੈ। ਉਹ ਧੁੱਪ ਵਿਚ ਬਾਹਰ ਨਹੀਂ ਜਾ ਸਕਦੀ।
ਉਨ੍ਹਾਂ ਨੇ ਕਿਹਾ ਕਿ ਬਜ਼ੁਰਗ ਔਰਤ ਜਾਰਜੀਆ ਦੇ ਸ਼ੂਗਰ ਹਿੱਲ ਵਿੱਚ ਡੰਕਿਨ ਦੇ ਆਊਟਲੈਟ ‘ਤੇ ਸੀ, ਜਿੱਥੇ ਉਸ ਨੇ ਇੱਕ ਕੱਪ ਗਰਮ ਕੌਫ਼ੀ ਦਾ ਆਰਡਰ ਦਿੱਤਾ ਸੀ ਜਦੋਂ ਕਰਮਚਾਰੀ ਨੇ ਉਸ ਨੂੰ ਕੌਫ਼ੀ ਦਿੱਤੀ, ਜਦੋਂ ਕੌਫ਼ੀ ਦੇ ਕੱਪ ਦਾ ਢੱਕਣ ਖੁੱਲ੍ਹਿਆ ਅਤੇ ਕੌਫ਼ੀ ਉਸ ‘ਤੇ ਡਿੱਗ ਗਈ। ਜਿਸ ਕਾਰਨ ਉਸ ਦੇ ਪੱਟ, ਕਮਰ ਅਤੇ ਪੇਟ ਸੜ ਗਏ।
