ਬਿਉਰੋ ਰਿਪੋਰਟ: ਦਿੱਲੀ ਪੁਲਿਸ ਦੀ ਅਪਰਾਧ ਸ਼ਾਖਾ ਨੇ ਅੱਜ ਬੁੱਧਵਾਰ ਨੂੰ ਇੱਕ ਅੰਤਰਰਾਸ਼ਟਰੀ ਡਰੱਗ ਸਿੰਡੀਕੇਟ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਿਸ ਨੇ ਦੱਖਣੀ ਦਿੱਲੀ ਦੇ ਮਹਿਰੌਲੀ ਤੋਂ 560 ਕਿਲੋ ਚਿੱਟਾ (ਕੋਕੇਨ0 ਬਰਾਮਦ ਕੀਤੀ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਇਸ ਦੀ ਕੀਮਤ ਕਰੀਬ 2000 ਕਰੋੜ ਰੁਪਏ ਦੱਸੀ ਜਾਂਦੀ ਹੈ।
ਪੁਲਿਸ ਨੇ ਇਸ ਮਾਮਲੇ ਵਿੱਚ 4 ਤਸਕਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਵਿੱਚੋਂ ਦੋ ਮੁਲਜ਼ਮਾਂ ਹਾਸ਼ਿਮੀ ਮੁਹੰਮਦ ਵਾਰਿਸ ਅਤੇ ਅਬਦੁਲ ਨਾਇਬ ਕੋਲੋਂ 400 ਗ੍ਰਾਮ ਹੈਰੋਇਨ ਅਤੇ 160 ਗ੍ਰਾਮ ਕੋਕੇਨ ਬਰਾਮਦ ਹੋਈ ਹੈ।
ਦਿੱਲੀ ਵਿੱਚ ਕੋਕੇਨ ਬਰਾਮਦਗੀ ਦਾ ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਮਾਮਲਾ ਮੰਨਿਆ ਜਾ ਰਿਹਾ ਹੈ। ਪੁਲਿਸ ਇਸ ਸਿੰਡੀਕੇਟ ਦਾ ਪਰਦਾਫਾਸ਼ ਕਰਨ ਲਈ ਪਿਛਲੇ ਦੋ ਮਹੀਨਿਆਂ ਤੋਂ ਕੰਮ ਕਰ ਰਹੀ ਸੀ। ਫਿਰ ਪੁਲਿਸ ਨੂੰ ਡਰੱਗ ਸਪਲਾਈ ਬਾਰੇ ਜਾਣਕਾਰੀ ਮਿਲੀ। ਇਹ ਤਸਕਰ ਇਸ ਨਸ਼ੀਲੇ ਪਦਾਰਥ ਦੀ ਰਾਜਧਾਨੀ ਅਤੇ ਐਨਸੀਆਰ ਵਿੱਚ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ।
ਗੋਦਾਮ ਵਿੱਚ ਛੁਪਾਏ ਨਸ਼ੀਲੇ ਪਦਾਰਥ
ਸਪੈਸ਼ਲ ਸੈੱਲ ਪ੍ਰਮੋਦ ਸਿੰਘ ਕੁਸ਼ਵਾਹਾ ਨੇ ਦੱਸਿਆ ਕਿ ਇੱਕ ਮੁਲਜ਼ਮ ਦਾ ਨਾਂ ਤੁਸ਼ਾਰ ਗੋਇਲ ਹੈ। ਉਹ ਵਸੰਤ ਵਿਹਾਰ, ਦਿੱਲੀ ਦਾ ਰਹਿਣ ਵਾਲਾ ਹੈ। ਉਸ ਦੇ ਦੋ ਦੋਸਤ ਹਿਮਾਂਸ਼ੂ ਅਤੇ ਔਰੰਗਜ਼ੇਬ ਵੀ ਉਸ ਦੇ ਨਾਲ ਸਨ। ਤਿੰਨਾਂ ਮੁਲਜ਼ਮਾਂ ਨੂੰ ਰਿਸੀਵਰ ਭਰਤ ਜੈਨ ਸਮੇਤ ਕੁਰਲਾ ਪੱਛਮੀ ਤੋਂ ਫੜਿਆ ਗਿਆ ਹੈ।
ਤੁਸ਼ਾਰ, ਹਿਮਾਂਸ਼ੂ ਅਤੇ ਔਰੰਗਜ਼ੇਬ ਕੋਲੋਂ ਕਰੀਬ 15 ਕਿਲੋ ਕੋਕੇਨ ਬਰਾਮਦ ਹੋਈ ਹੈ। ਉਸ ਨੂੰ ਉਦੋਂ ਫੜਿਆ ਗਿਆ ਜਦੋਂ ਉਹ ਮਹੀਪਾਲਪੁਰ ਐਕਸਟੈਨਸ਼ਨ ਸਥਿਤ ਗੋਦਾਮ ਤੋਂ ਰਿਸੀਵਰ ਨੂੰ ਸਪਲਾਈ ਦੇਣ ਲਈ ਆ ਰਿਹਾ ਸੀ। ਕੁਸ਼ਵਾਹਾ ਨੇ ਇਹ ਵੀ ਦੱਸਿਆ ਕਿ ਪੁਲਿਸ ਨੂੰ ਗੋਦਾਮ ਦੀ ਤੀਜੀ ਮੰਜ਼ਿਲ ਤੋਂ ਇੱਕ ਬਕਸੇ ਵਿੱਚ 23 ਪੋਲੋ ਸ਼ਰਟਾਂ ਵਿੱਚ ਕੋਕੀਨ ਅਤੇ ਅਫ਼ੀਮ (Marijuana) ਮਿਲੀ ਹੈ।
