’ਦ ਖ਼ਾਲਸ ਬਿਊਰੋ (ਗੁਰਪ੍ਰੀਤ ਕੌਰ): ਕਿਸਾਨ ਅੰਦੋਲਨ ਦੇ ਵਿਰੋਧ ਵਿੱਚ ਚੱਲ ਰਹੇ ਏਜੰਡੇ ਅਤੇ ਕੂੜ ਪ੍ਰਚਾਰ ਦਾ ਟਾਕਰਾ ਕਰਨ ਲਈ ਕਿਸਾਨਾਂ ਵੱਲੋਂ ਆਪਣੇ ਆਈਟੀ ਸੈੱਲ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਇਸ ਦੇ ਤਹਿਤ ਕਿਸਾਨਾਂ ਨੇ ਹਰ ਸੋਸ਼ਲ ਮੀਡੀਆ ਪਲੇਟਫਾਰਮ ’ਤੇ ਤਾਂ ਖ਼ਾਤੇ ਖੋਲ੍ਹੇ ਹੀ ਹਨ, ਨਾਲ ਹੀ ਹੁਣ ਕਿਸਾਨ ਜ਼ੂਮ ’ਤੇ ਲਾਈਵ ਕਾਨਫਰੰਸ ਕਰਨ ਜਾ ਰਹੇ ਹਨ। ਇਸ ਦੇ ਤਹਿਤ ਕਿਸਾਨਾਂ ਨੇ ਕਿਸਾਨਾਂ ਨੂੰ ਭਟਕੇ ਹੋਏ ਕਹਿਣ ਵਾਲੇ ਖ਼ਾਸ ਕਰਕੇ ਮੁਕੇਸ਼ ਖੰਨਾ, ਕੰਗਨਾ ਰਨੌਤ ਅਤੇ ਪਾਇਲ ਰੋਹਤਾਗੀ ਵਰਗੀਆਂ ਕੁਝ ਹਸਤੀਆਂ ਨੂੰ ਇਸ ਕਾਨਫਰੰਸ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ ਹੈ ਤਾਂ ਕਿ ਉਨ੍ਹਾਂ ਦੇ ਸ਼ੰਕੇ ਦੂਰ ਕੀਤੇ ਜਾ ਸਕਣ।
https://t.co/9ZRo1wnM6I 👈🏻Register now , LIVE WEBINAR | 24th December @ 12:00 PM
This is an OPEN INVITATION to each one of you standing with the farmers in their protest, to be a part of the LIVE webinar and get answers to all your questions related to the FARM LAWS. #farmersday— Kisan Ekta Morcha (@Kisanektamorcha) December 23, 2020
ਕਿਸਾਨ ਆਗੂਆਂ ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਹੈ ਕਿ ਤਿੰਨ ਨਵੇਂ ਖੇਤੀ ਕਾਨੂੰਨਾਂ ਬਾਰੇ ਕਿਸੇ ਵੀ ਸਵਾਲ ਦਾ ਜਵਾਬ ਦੇਣ ਲਈ ਅਤੇ ਇਨ੍ਹਾਂ ਵਿਰੁੱਧ ਪ੍ਰਦਰਸ਼ਨ ਕਰਨ ਲਈ ਉਹ ਇੱਕ ਵੈੱਬ ਕਾਨਫ਼ਰੰਸ ਕਰਨਗੇ। ਇਹ ਵੈੱਬੀਨਾਰ ਵੀਡੀਓ ਕਾਨਫ਼ਰੰਸ ਪਲੇਟਫ਼ਾਰਮ ਜ਼ੂਮ ’ਤੇ ਵੀਰਵਾਰ ਦੁਪਹਿਰ ਨੂੰ ਕਰਵਾਇਆ ਜਾਵੇਗਾ, ਅਤੇ ਇਹ ਲਿੰਕ ’ਤੇ ਪਹਿਲਾਂ ਰਜਿਸਟਰ ਕਰਨ ਵਾਲੇ ‘10,000 ਲੋਕਾਂ’ ਲਈ ਖੁੱਲ੍ਹਾ ਰਹੇਗਾ। ਲਿੰਕ ਨੂੰ ਛੇਤੀ ਹੀ ਜਾਰੀ ਕੀਤਾ ਜਾਵੇਗਾ। ਜੋ ਲੋਕ ਪਹਿਲੇ 10 ਹਜ਼ਾਰ ’ਚ ਸ਼ਾਮਲ ਨਹੀਂ ਹੋ ਸਕਣਗੇ ਉਨ੍ਹਾਂ ਲਈ ਇਸ ਦੀ ਰਿਕਾਰਡਿੰਗ ਸੋਸ਼ਲ ਮੀਡੀਆ ਮੰਚਾਂ ’ਤੇ ਮੁਹੱਈਆ ਕਰਵਾਈ ਜਾਵੇਗੀ।
LIVE WEBINAR | 24th December @ 12:00 PM
Register Now!
Click Here: https://t.co/9ZRo1wnM6IThis is an OPEN INVITATION to each one of you standing with the farmers in their protest, to be a part of the LIVE webinar and get answers to all your questions related to the FARM LAWS. pic.twitter.com/cghMvPe3mv
— Kisan Ekta Morcha (@Kisanektamorcha) December 23, 2020
ਸਿੰਘੂ ਬਾਰਡਰ ’ਤੇ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਸੋਸ਼ਲ ਮੀਡੀਆ ਸੈੱਲ ਦੇ ਮੁਖੀ ਅਤੇ ਮਾਝਾ ਕਿਸਾਨ ਕਮੇਟੀ ਦੇ ਉਪ ਪ੍ਰਧਾਨ ਬਲਜੀਤ ਸਿੰਘ ਸੰਧੂ ਨੇ ਕਿਹਾ, ‘ਸੀਨੀਅਰ ਕਿਸਾਨ ਯੂਨੀਅਨ ਲੀਡਰ ਜੋ ਕਿ ਮੁਹਿੰਮ ਦੇ ਪ੍ਰਮੁੱਖ ਮੈਂਬਰ ਹਨ, ਇਸ ਵੈੱਬੀਨਾਰ ਦੌਰਾਨ ਹਰ ਸਵਾਲ ਦਾ ਜਵਾਬ ਦੇਣਗੇ-ਭਾਵੇਂ ਉਹ ਖੇਤੀ ਕਾਨੂੰਨਾਂ ਬਾਰੇ ਹੋਣ ਜਾਂ ਚਲ ਰਹੇ ਪ੍ਰਦਰਸ਼ਨ ਬਾਰੇ।’
ਸੰਧੂ ਨੇ ਅਦਾਕਾਰਾ ਕੰਗਨਾ ਰਨੌਤ, ਮੁਕੇਸ਼ ਖੰਨਾ ਅਤੇ ਪਾਇਲ ਰੋਹਤਗੀ ਵਰਗਿਆਂ ਨੂੰ ਵੀ ਇਸ ਵੈੱਬੀਨਾਰ ਦਾ ਹਿੱਸਾ ਬਣਨ ਲਈ ਕਿਹਾ ਜੋ ਕਿਸਾਨਾਂ ਦੇ ਪ੍ਰਦਰਸ਼ਨ ਵਿਰੁੱਧ ਸਰਗਰਮੀ ਨਾਲ ਆਵਾਜ਼ ਚੁੱਕ ਰਹੇ ਹਨ। ਕਿਸਾਨ ਏਕਤਾ ਮੰਚ ਸੋਸ਼ਲ ਮੀਡੀਆ ਅਕਾਊਂਟ ਹੈ ਜੋ ਕਿਸਾਨ ਪ੍ਰਦਰਸ਼ਨ ਬਾਰੇ ਜਾਣਕਾਰੀ, ਕਿਸਾਨ ਆਗੂਆਂ ਦੇ ਭਾਸ਼ਣ ਅਤੇ ਕੇਂਦਰ ਵੱਲੋਂ ਫੈਲਾਏ ਜਾ ਰਹੇ ‘ਪ੍ਰਾਪੇਗੰਡਾ’ ਦਾ ਜਵਾਬ ਦਿੰਦਾ ਹੈ।
