‘ਦ ਖ਼ਾਲਸ ਟੀਵੀ ਬਿਊਰੋ (ਜਗਜੀਵਨ ਮੀਤ):- ਆਸਾਮ ਵਿੱਚ ਵੋਟਾਂ ਪੈਣ ਦੇ ਦੂਜੇ ਗੇੜ ਵਿੱਚ ਵੋਟਿੰਗ ਦੇ ਕੁਝ ਘੰਟੇ ਬਾਅਦ ਸੋਸ਼ਲ ਮੀਡੀਆ ਵਾਇਰਲ ਹੋਈ ਇੱਕ ਵੀਡੀਓ ਨੇ ਸਥਿਤੀ ਤਣਾਅਪੁਰਨ ਕਰ ਦਿੱਤੀ। ਜਾਣਕਾਰੀ ਅਨੁਸਾਰ ਇਸ ਵੀਡੀਓ ਵਿੱਚ ਇੱਕ ਅੰਦਰ ਈਵੀਐੱਮ ਰੱਖੀ ਨਜ਼ਰ ਆ ਰਹੀ ਹੈ। ਇਹ ਕਾਰ ਪਥਰਕੰਡੀ ਤੋਂ ਭਾਜਪਾ ਉਮੀਦਵਾਰ ਕ੍ਰਿਸ਼ੇਨੰਦੁ ਪੌਲ ਦੀ ਦੱਸੀ ਜਾ ਰਹੀ ਹੈ। ਇਸ ਵੀਡੀਓ ਨੂੰ ਅਸਾਮ ਦੇ ਪੱਤਰਕਾਰ ਅਤਾਨੂ ਭੁਯਾਨ ਨੇ ਟਵੀਟ ਕੀਤਾ ਹੈ। ਇਸ ਵਿਚ, ਪੱਤਰਕਾਰ ਨੇ ਦਾਅਵਾ ਕੀਤਾ ਕਿ ਇਸ ਘਟਨਾ ਤੋਂ ਬਾਅਦ ਪਥਰਕੰਡੀ ਵਿਚ ਸਥਿਤੀ ਤਣਾਅਪੂਰਨ ਹੈ।


ਜਿਸ ਕਾਰ ਵਿੱਚੋਂ ਈਵੀਐੱਮ ਮਿਲੀ ਹੈ ਉਸਦਾ ਨੰਬਰ AS10 ਬੀ 0022 ਹੈ। ਅਸਾਮ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਰਿਪਨ ਬੋਰਾ ਨੇ ਚੋਣ ਕਮਿਸ਼ਨ ਤੋਂ ਕਾਰ ਵਿੱਚ ਈਵੀਐੱਮ ਮਿਲਣ ਦੀ ਘਟਨਾ ਵਿੱਚ ਤੁਰੰਤ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ।


ਇਸ ਘਟਨਾ ‘ਤੇ ਟਿੱਪਣ ਕਰਦਿਆਂ ਕਾਂਗਰਸ ਨੇਤਾ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੂੰ ਅਜਿਹੀਆਂ ਸ਼ਿਕਾਇਤਾਂ‘ ਤੇ ਸਖ਼ਤ ਕਾਰਵਾਈ ਕਰਨੀ ਚਾਹੀਦੀ ਹੈ। ਪ੍ਰਿਅੰਕਾ ਨੇ ਕਿਹਾ ਕਿ ਹਰ ਵਾਰ ਈਵੀਐਮ ਕਿਸੇ ਨਿੱਜੀ ਵਾਹਨ ਵਿੱਚ ਫੜੀ ਜਾਂਦੀ ਹੈ ਤਾਂ ਇਸ ਮਗਰੋਂ ਭਾਜਪਾ ਕਈ ਤਰੀਕਿਆਂ ਨਾਲ ਇਸਦਾ ਖੰਡਨ ਕਰਦੀ ਹੈ। ਭਾਜਪਾ ਅਨੁਸਾਰ ਅਜਿਹੇ ਵਾਹਨ ਅਕਸਰ ਭਾਜਪਾ ਉਮੀਦਵਾਰਾਂ ਜਾਂ ਉਨ੍ਹਾਂ ਦੇ ਸਹਿਯੋਗੀਆਂ ਦੇ ਹੁੰਦੇ ਹਨ। ਵੀਡੀਓ ਨੂੰ ਸਿਰਫ ਇਕ ਘਟਨਾ ਮੰਨਦਿਆਂ ਇਕ ਭੁਲੇਖੇ ਵਜੋਂ ਖਾਰਜ ਕਰ ਦਿੱਤਾ ਜਾਂਦਾ ਹੈ। ਭਾਜਪਾ ਆਪਣੇ ਮੀਡੀਆ ਪ੍ਰਣਾਲੀ ਦੀ ਵਰਤੋਂ ਉਨ੍ਹਾਂ ਲੋਕਾਂ ‘ਤੇ ਇਲਜ਼ਾਮ ਲਗਾਉਣ ਲਈ ਕਰਦੀ ਹੈ ਜਿਨ੍ਹਾਂ ਨੇ ਵੀਡੀਓ ਰਾਹੀਂ ਪਰਦਾਫਾਸ ਕੀਤਾ।

Leave a Reply

Your email address will not be published. Required fields are marked *